એલીબીએ વોરન્ટની બજવણી કરી વડોદરા જેલમાં ધકેલ્યો
ખંભાળીયાના પીર લાખાસર ગામના શખ્સ સામે પાસાનું શસ્ત્ર ઉગામવામાં આવ્યું છે, દ્વારકા એલસીબીએ અટકાયત કરીને વડોદરા મઘ્યસ્થ જેલમાં મોકલી આપ્યો છે.
દ્વારકા જીલ્લા પોલીસવડા નિતેશ પાંડેય દ્વારા પ્રોહી બુટલેગરો, ખનીજ માફીયા, ભુમાફીયા, માથાભારે ઇસમો વિગેરે અસામાજીક તત્વો સામે કડક કાયદાકીય કાર્યવાહી કરવા એલસીબી પીઆઇ કે.કે. ગોહીલને સુચના કરતા પીએસઆઇ દેવમુરારી દ્વારા અસામાજીક તત્વોની માહિતી એકત્ર કરી પાસા દરખાસ્ત તૈયાર કરવામાં આવી હતી.
જેના આધારે દ્વારકા જીલ્લા કલેકટર રાજેશ તન્નાએ માથાભારે ઇસમ વિરુઘ્ધ ત્વરીત પગલા લઇ પાસા દરખાસ્ત મંજુર કરી હતી, ખંભાળીયાના પીર લાખાસર ગામના હાલ રાજકોટ પરાપીપળીયા ખાતે રહેતા નવાઝ જુમા દેથાની સામે પાસા વોરન્ટ ઇસ્યુ કરતા એલસીબીએ અટકાયત કરી વડોદરા મઘ્યસ્થ જેલ ખાતે મોકલી આપવા કાર્યવાહી કરવામાં આવી છે.
